ToSo
Senior Member
Da war ämal ä gleenes niedliches Mädschn. Das grichde von seiner Großmudder änne feierrote Samtgabbe mit änner Bummel dran. Drin sah de Gleene so schnärblich aus, dasse barduh geen andern Bibbi maehr uffsetzte. Un so gams, dasse von dr ganzen Nachbarschaft Rodgäbbschn genannt wurde. Eenes Dages sagte de Mudder zu dr Gleenen: "Gomm, mei Gind, nimm hier das Henkelgärbchen un brings naus bei de Grossemuder. Se hat aehmd telefoniert, dassrch gar nich hibsch is heite."
"Was isn da drinne im Gorbe?" fragte Rodgäbbschn. "änne Flasche Äbbelwein, änne Biggse Eelsardin' un änne Bähbe (Sächsisches Nationalgebäck). Dassde mir aber nich etwa unterwaechens am Guchen rumgnaubelst! Wenn de Hunger hast, issde deine Baemmchen mit Gunsthonich, verschdandn?"
Rodgäbbschn verschrach scheene zu folchen un hubbste frehlich in dn Frieling naus. Wiese nach änner Värdlschtunde im Walde drinne war, gam plätzlich ä Wolf angelaadscht. - Was das fier Dier is, wolltr wissen? - Nu schtellt eich ärsdma Bäzolds Garo vor, denkt eich noch ä Schtickchen dran, drzu ä viel schbitzern Gobb un gliehende Oochen - un da habtr ä Wolf. So a Viech gam also ausn Busche un meente:
"Bei wän willsdn, Rodgäbbschn?"
"Bei de Grossemudder."
"Nu weesste, da würd'sch awer där alten Frau ä baar Bliemchen mitnaehm. Das geheert sich eenfach so fier ä gebildetes Enkelgind."
"De hast eechentlich recht", sagte Rodgäbbschn, schtellte ihrn Gorb unter änne Danne un bickte sich nach Anemon' un Briemeln. Se hatse awer nich gleich mitr Wurzel rausgerubbt wie ihr, sondern jedes eenzelne sachte abgegnibst. Dr Wolf feixte in sich nein un säbbelte naus bei de Grossemudder. Dort schbrangr mit een Satz ins Heischen, sauste durch die gute Schtuwe un dann hinter in de Gammer un verschlang de alte Frau. Se hatte iwerhaupt nich Zeit, um Hilfe zu brilln, da sasse schon drinne im Wolfsbauche. Na un da warsch nadierlich zu schbaete. Hieruff groch das beese Dier ins Bette nein, deckte sich bis nuff zu un schtilbte sich dr Grossemudder ihre lilane Nachtmitze iwersch Gesichte. Nach änner Weile gam Rodgäbbschn un wunderte sich, dass de Diere uffschtand. Nu, wahrscheinlich dud de Grossemudder grade liften, dachte se dann un lief nein in de Gammer. Da fielr nu gleich uff, dass de de alte Frau heite so ä färchterlich grossen Mund hatte.
"Awer meine gude Grossemudder" meente se, "wie siechste denne aus? De hast wohl de Maulschbärre gegricht?"
Sie beichde sich ä bisschen diefer iwersch Bette. Da riss dr Wolf den Rachen uff un wärchte ooch noch 's gleene Maedchen nunter. De Grossemudder rickte ä Häbbchen beiseite, un nu sassense alle beede drinne. Wenn mr wenichstens de Bähbe mit hädden, dachte Rodgäbbschn. Awer reden gonnte se nischt, denn de Luft war gans dick un schnierte ihr de Gähle zu. Dr Wolf schlief nach dem Reggordfriehschtick ein un schnarchte so laut, dass draussen de Boomschtämme waggelten.
Da gam ä Jächer angeleiert, heerte das Schnarchen un dachte: "Ich gann mr nich helfen: Das is doch direggt unweiblich von deer alten Frau, so druflos zu rasseln!"
Dann ginkr nein ins Heischen un märkte nadierlich gleich, wen'r da im Bette vor sich hatte.
"Habbch dich endlich erwischt, du frächer Gedatte!" riefr, holte aus dr Giche dr Grossemudder ihre Gefliechelschäre un schnibbelte behutsam dn Wolfbalch uff. Das war nu vielleicht änne Freide, wie die beeden wieder ans Dageslicht gegollert gam! De alte Frau butzte ihre Brille, die da drinne gans angeloofen war, un Rodgäbbschn schtobbte dn Wolfsbauch voll Brigetts ausn Gohlngasten un nähte dann das beese Dier wieder zusamm. Un wie nu dr Wolf uffwachte un sich heimlich ausn Schtaube machen wollte, blumbstr dod uffn Bettvorlecher.
De Grossemudder, Rodgäbbschn und dr Jäscher tranken dn Abbelwein, machten sich iwer de eelsardin un deilden sich in de Baebe. Se warn sähre froh, dass de Sache noch so scheen abgeloofen war.
Nu nähmt eich draus aenne Lehr - besonders ihr Mädchen: s is immer besser, ae weibliches Wesen gimmte sich iwerhaubt nich drum, wennse unterwaeches eener angewasselt, denn mr gann nie wissen, was drhinterschteckt.
Ick bleib doch leiber beim Hochdeutsch - mit Berliner Einflüssen :angel
ToSo
"Was isn da drinne im Gorbe?" fragte Rodgäbbschn. "änne Flasche Äbbelwein, änne Biggse Eelsardin' un änne Bähbe (Sächsisches Nationalgebäck). Dassde mir aber nich etwa unterwaechens am Guchen rumgnaubelst! Wenn de Hunger hast, issde deine Baemmchen mit Gunsthonich, verschdandn?"
Rodgäbbschn verschrach scheene zu folchen un hubbste frehlich in dn Frieling naus. Wiese nach änner Värdlschtunde im Walde drinne war, gam plätzlich ä Wolf angelaadscht. - Was das fier Dier is, wolltr wissen? - Nu schtellt eich ärsdma Bäzolds Garo vor, denkt eich noch ä Schtickchen dran, drzu ä viel schbitzern Gobb un gliehende Oochen - un da habtr ä Wolf. So a Viech gam also ausn Busche un meente:
"Bei wän willsdn, Rodgäbbschn?"
"Bei de Grossemudder."
"Nu weesste, da würd'sch awer där alten Frau ä baar Bliemchen mitnaehm. Das geheert sich eenfach so fier ä gebildetes Enkelgind."
"De hast eechentlich recht", sagte Rodgäbbschn, schtellte ihrn Gorb unter änne Danne un bickte sich nach Anemon' un Briemeln. Se hatse awer nich gleich mitr Wurzel rausgerubbt wie ihr, sondern jedes eenzelne sachte abgegnibst. Dr Wolf feixte in sich nein un säbbelte naus bei de Grossemudder. Dort schbrangr mit een Satz ins Heischen, sauste durch die gute Schtuwe un dann hinter in de Gammer un verschlang de alte Frau. Se hatte iwerhaupt nich Zeit, um Hilfe zu brilln, da sasse schon drinne im Wolfsbauche. Na un da warsch nadierlich zu schbaete. Hieruff groch das beese Dier ins Bette nein, deckte sich bis nuff zu un schtilbte sich dr Grossemudder ihre lilane Nachtmitze iwersch Gesichte. Nach änner Weile gam Rodgäbbschn un wunderte sich, dass de Diere uffschtand. Nu, wahrscheinlich dud de Grossemudder grade liften, dachte se dann un lief nein in de Gammer. Da fielr nu gleich uff, dass de de alte Frau heite so ä färchterlich grossen Mund hatte.
"Awer meine gude Grossemudder" meente se, "wie siechste denne aus? De hast wohl de Maulschbärre gegricht?"
Sie beichde sich ä bisschen diefer iwersch Bette. Da riss dr Wolf den Rachen uff un wärchte ooch noch 's gleene Maedchen nunter. De Grossemudder rickte ä Häbbchen beiseite, un nu sassense alle beede drinne. Wenn mr wenichstens de Bähbe mit hädden, dachte Rodgäbbschn. Awer reden gonnte se nischt, denn de Luft war gans dick un schnierte ihr de Gähle zu. Dr Wolf schlief nach dem Reggordfriehschtick ein un schnarchte so laut, dass draussen de Boomschtämme waggelten.
Da gam ä Jächer angeleiert, heerte das Schnarchen un dachte: "Ich gann mr nich helfen: Das is doch direggt unweiblich von deer alten Frau, so druflos zu rasseln!"
Dann ginkr nein ins Heischen un märkte nadierlich gleich, wen'r da im Bette vor sich hatte.
"Habbch dich endlich erwischt, du frächer Gedatte!" riefr, holte aus dr Giche dr Grossemudder ihre Gefliechelschäre un schnibbelte behutsam dn Wolfbalch uff. Das war nu vielleicht änne Freide, wie die beeden wieder ans Dageslicht gegollert gam! De alte Frau butzte ihre Brille, die da drinne gans angeloofen war, un Rodgäbbschn schtobbte dn Wolfsbauch voll Brigetts ausn Gohlngasten un nähte dann das beese Dier wieder zusamm. Un wie nu dr Wolf uffwachte un sich heimlich ausn Schtaube machen wollte, blumbstr dod uffn Bettvorlecher.
De Grossemudder, Rodgäbbschn und dr Jäscher tranken dn Abbelwein, machten sich iwer de eelsardin un deilden sich in de Baebe. Se warn sähre froh, dass de Sache noch so scheen abgeloofen war.
Nu nähmt eich draus aenne Lehr - besonders ihr Mädchen: s is immer besser, ae weibliches Wesen gimmte sich iwerhaubt nich drum, wennse unterwaeches eener angewasselt, denn mr gann nie wissen, was drhinterschteckt.
Ick bleib doch leiber beim Hochdeutsch - mit Berliner Einflüssen :angel
ToSo
